I have lost my gift :(

Words, words, words…once, I had the
gift…I could make love out of words as
a potter makes cups out of clay love
that overthrows empires, love that
binds two hearts together come
hellfire and brimstones…for sixpence a
line, I could cause a riot in a
nunnery…but now

I have lost my gift.
(not finding this easy)
It's as if my quill is broken. As if
the organ of my imagination has dried
up. As if the proud tower of my genius
has collapsed.

9-р бүлэг. Би чам руу очиж явна

... IT IS ELEMENTARY MY DEAR!

"Хүүхэн" хэвтээд л байлаа. Тэр хаана байгаагаа мартчихаж ээ. Мартахаас ч аргагүй байж. Учир нь түүний харж байгаа зүйлс нь түүнийг хаана байгааг нь сануулахын аргагүй өөр зүйлс байв. Тэр их хачин зүйлс харж байлаа. Эргэн тойрон элдэв янзын өнгө бөөгнөрөн хөвж байна. Өнгөнүүд дангаараа дүрс үүсгэлгүй байна гэдэг тун хачин аа? Гэтэл тийм л хачин юм болоод байв. Өнгөнүүд бөөгнөрөн хөвж байв.

8-р бүлэг. Ду-Ра-Ки, Ду-Ра-Ки!

... WITHOUT ANY HURT.

2011 оны 6-р сарын 13

-- Хөөе Кокоро чи ойрд хаагуур яваад байв аа. За май нэг тулгачихъя. Ганцаараа уух эвгүй юм аа.

-- Би уухгүй ээ.

-- Яагаад уухгүй гээд байгаа юм? Чи чинь угаасаа уудаггүй ч бил үү?

-- Уудаг л даа, гэхдээ одоо уумааргүй байна.

-- Яасан надтай хамтай архидана гэхээр дур чинь гутаад байна уу, аль эсвэл энэ архины чанарт итгэлгүй байгаад байна уу. Аль эсвэл хоёулаа Обра дээр очиж амтат коктейлноос нь амсах юм уу.

7-р бүлэг - Хосуй Есүй хоёр

HOW CAN I TOUCH YOU...

Тэр бороо Алибабад үнэхээр сайхан санагдав. Ийм сайхан бороонд унтана гэдэг ямар сайхан бэ. Алибаба тэр дороо эргэж хэвтээд, гараа дэрлүүлсэн чигтээ нам унтаад өгөв. Үг сөхөөгүй унтаад өгсөнд нь Энжи жаахан гайхсан боловч удалгүй гарыг нь дэрлэсэн чигтээ нойрондоо дийлдэн унтжээ. Алибаба хээр хөдөө олон удаа хонож байсан туршлагатай учраас, хучлага дэвсгэр ч үгүй ингэж хонох үед үүрийн жингээр хүйт даахаас өмнө сэрэх хэрэгтэй, тэгэхийн тулд эртхэн нойроо авсан нь дээр гэж бодсон байв.

6-р бүлэг. Уучихсан байнашдээ, уучихсан байна!

... WITHOUT ANY PURPOSE.

Золоожижи очоод юу ч хэлэлгүй Алибабагийн сүүлчийн захидлыг өгөв. Бүсгүйг захидлыг уншаад инээмсэглэхэд нь ширээнд нь суугаад хамтдаа хүлээхээр болов. Тэр хоёр хоорондоо юу ч дуугарсангүй. Гагцхүү Алибабаг хүлээж байлаа.

Алибаба нэмж хундага захиалаад үлдсэн дарсаа хоёр хундаганд хувааж хийв. Төлөвлөсөн юм шиг яг сайхан таарав. Хоёр дарсны хундагаа гарын салаандаа өлгөж бариад, нөгөө гараараа ширээнээс тулсаар босов. Алибаба яльгүй согтсон бололтой. Алхахдаа үл ялиг ганхах боловч яаж ийгээд гар дахь дарсаа асгахгүй байж чадаад байв.

Бүсгүй дээр ирээд:

-- Уучлаарай та энэ нэг хундагатайг барьж байхгүй юу.

-- За би ийшээ суучих уу.

-- За тулгах уу? Юуны төлөө тулгах вэ?

-- Уйтгарт нууцны төлөө юу? Уйтгаргүй инээмсэглэлийн төлөө юу?

5-р бүлэг. Уйтгартай эмэгтэй гүн нууцтай

HOW CAN I LOVE YOU ...

-- Хөөе чиний төлөө ууж байхад, жаахан цог золбоотой байгаач.

-- Та үнэхээр мөнгөгүй юм уу.

-- Чамд мөнгө чухал уу. Хайр сэтгэл чинь чухал уу?

-- ...

-- Алив хурдан хэлээдэх. Ер нь ингэхэд хэн намайг унтаж байхад сэрээсэн юм, нэгэнт унтаж байгаа хүнийг сэрээсэн юм бол босгоод хоол унд өгөх нь хаа газарын ёс биз дээ?

-- Гэхдээ л ...

-- За чиний тэр аугаа их чухал, амьдрал хайр сэтгэлээс чинь чухал мөнгөний төлөө тэгвэл ууя.

-- Ээ хэрэггүй дээ.

-- За тэгвэл хайр сэтгэлийн чинь төлөө. Хайр сэтгэлийнхөө төлөө хундагаа хоосортол ууна шүү. Тээр энэ хараа (аль хэдийн уучихаад харуулав) би чиний хайр сэтгэлийн төлөө яаж ууж байна?

4-р бүлэг. Үүрд баяртай

-- I AM ANJIE!

-- Обра би чамайг гайхаад байна л даа. Тэр "чинийх" гэдэг чинь хэн болчихоод ганцхан захидал илгээснийг нь бүхэл бүтэн 4 жил хадгалсан байдаг билээ?

-- Би ч гэсэн "чинийх"-ийг хэн гэдгийг мэдэхгүй л дээ. Бас үүнийг яагаад хадгалаад байгаагаа ч тайлбарлаж чадахгүй юм шиг байна. Уучлаарай.

-- Үгүйдээ чи чадна. Үгүй ядахнээ чи миний мэдэхгүй өөр зүйлийг мэдэж байгаагаа чи надад хэлж чадна.

-- Яагаад би тийм юм мэдэж байгаа гэж? Чамд нэг захиа, надад нэг захиа. Бидэнд яг ижилхэн зүйлс байхад юунд чи намайг илүүг мэднэ гэж бодоов?

-- Би бодоогүй юм (инээмсэглэв). Эхлээд зүгээр л таасан юм. Харин одоо бол яг таг мэдэж байна. Хэрвээ чи үнэхээр илүү юм мэдэхгүй эсвэл мэдэж байгаагаа надаас нуухаар оролдоогүй байсан бол шууд ямар нэгэн мэдэж байгаа юмаа дурдаж хэлэх байсан.

3-р бүлэг. Тэр энд ирчихэж

-- BUT... WHO ARE YOU?

Өглөө сэрээд Обра Этэрналаас "буцааж авсан" захиагаа хадгалж байсан хайрцгийг хайв. Хэрвээ Этэрналын тэр "захиалга" гэж яриад байгаа, гэнэт гарч ирээд гэнэт алга болчихсон тэр хүүхэний тухай яриа нь үнэн юм бол тэр захиаг захиалагч хүүхэн яаж олж авав? Эсвэл Этэрнал өөрөө хулгайлчихаад өөр хүнээс авсан гэж худлаа ярив уу?

Ямраар ч бодсон түүний хувийн эд зүйлсэд хэн нэгэн нь хуруу гараа дүрсэн байгаа нь үнэхээр тоогүй явдал юм. Этэрнал өөрөө түүний хувийн нууц руу өнгийж захиаг хулгайлсан бол үүнийг юу гэж ойлгох вэ?

2-р бүлэг. Өнөөдөр ямар өдөр юм бэ

- YOU ARE CRAZY ONLY.

Автомат оператор бүсгүйн хоолой Этэрналыг бодолд оруулав.

Зөвхөн нэг чиглэлийн үйлчилгээтэй дугаар юм биз дээ. Ийм дугаартай болох ч амаргүй дээ, ингэхэд хэн надад захиалга өгсөн юм бол? Энэ "чинийх" гэж бас хэн юм бол оо. Зүгээр нэг захианы эзнийг ингэж хайх хэрэг байсан ч юм уу. Нүднийх нь буланд өнөөх захидал өнчин ганцаар орхигдсон юм шиг ширээн дээр хэвтэх нь өртөв. Хэрвээ халаасанд нь байгаа боодол хорин мянгатын дэвсгэртийг эс тооцвол түүнд байгаа цорын ганц сэжүүр. Захианы эзэн "чинийх", захиалагч бүсгүй хоёрыг хоёуланг нь хаанахын хэн гэдгийг нь Этэрнал мэдэхгүй. Тэгсэн атал хоёуланг нь холбож уулзуулж учруулах ёстой байдаг...

Этэрнал нээрээ утасныхаа дуудлагыг шалгачихаад мессэжүүдээ уншаагүй гэнэт санаад мессэжүүдээ шалгав. Захиалагч бүсгүйн нэг мессэж, бас түүний танил дугаараас нэг мессэж ирсэн байв:

"Sain u, sain. Yu bna. Irj yum uuh uu. Mani chini dailya. Dargatai hamt uugaadhaach tsaadah chini uurtai baina."

"Дахиад л" гэж Этэрнал бодов. Обра (Obra) ажлаа тасдаж хэд хоног алга болчихоод нэг ирэхээрээ даргаа аргадах гэж Этэрналыг даргатайгаа хамт архидуулдаг билээ. "Ерөөсөө Обра дээр очиж ууя".

1-р бүлэг. Надтай холбоод өгөөч

AM I MYSTERIOUS?

2011 оны 5-р сарын 27. Улаанбаатар хот

Хаалга хүчтэй нүдэх чимээнээр Этэрнал (Eternal) сэрлээ. Новшийн хаалгыг бушуухан онгойлгохоос нааш нүдсээр байна гэдгийг тэр гарцаагүй сайн мэдэж байлаа. Шартсан дотор нь арзаганаж, өндийгөөд аяга ус аваад уучихын дайны ч тэнхээ гарамгүй мэт санагдаж байсан хэдий ч хаалга нүдэгч этгээд нь Кокоро (Kokoro) гарцаагүй мөн, нөгөөтэйгүүр Кокоро л болсон хойно Этэрналыг дотор нь байгааг мэдэхийн дээдээр мэдэж байгаа учраас хаалга онгойтол нүдэх тул дэмий балай уцаарын үг үглэн босохоос өөр арга түүнд үнэхээр байсангүй.

The Last Shuriken

Сүүлчийн Шүрикэн by man++

Хамгаас хайрт түүндээ зориулав

Эхлэл бүлэг - Бүхнийг эхлүүлэгч

- I KNOW I KNOW. I NEED A MYSTERY ...

Крийтор (Creator) - Тэр бол бүхнийг эхлүүлэгч... Түүнд бүхнийг хянах, бүгдэд нөлөөлөх боломж байсан. Ядаж л энэ бүхнийг эхлүүлэхгүй байж болох байсан...

Харин одоо бол бүх зүйл түүний хяналтаас гарсан. Тэр одоо яаж ч нөлөөлж тэр дундаа зогсоож чадахгүй.

Happy full moon night!

Блогоор маань үргэлж орж гарж сэтгэгдэлээр бөмбөгдөж байдаг уншигч та нартаа, онцгойлон тэнд зогсож байгаа жаалд, бас тэрний жаахан цаана байгаа нэг дажгүй охинд за ер нь бүгдэд нь баярлаж явдаг шүү гээд та бүхний өмнө би баярлан уйлж үзүүлья аа :((

Нээх сайхан уйлчихсан чинь дотор онгойгоод гоё байна. Аль болгон би эр хүн, би бол "эр нэмэх нэмэх" юм чинь уйлахгүй гэж гүрийж байхав :D

За элийрэх ч яахав, энэхүү уйлсан хайлсан маань зүгээр л оршил байлаа. Сэтгэл хөдлөөд үнэхээр сайхан байна өө өнөөдөр.

Цнцриийн! Ингээд Ича-Ича-Бүүк-ийг тооцохгүй бол миний анхны уран бүтээл болсон "Сүүлчийн Шүрикэн" зохиол маань нийтлэгдэхэд бэлэн боллоо.

Даваа гараг бүр нэг бүлэг нийтлэгдэж байх болно.